قصيدة الرنج 2013 ، أبيات روعة من الشعر 2014
راكب اللي كن لونه هماليل البرد
موتر(ن) ممتاز جوده وشعري تاه فيه
من ديار الغرب لديار أخو نوره ورد
رنج روفر ما نزل بالمعارض له شبيه
ما قناه اللي على الكايده عزمه برد
وما قنته أهل البخل والشواوي والسفيه
لا مشى ظبي(ن) من الموت مذعور وشرد
وإن وقف هيبة مليك(ن) وشعبه يحتريه
فيه من رسو الشوامخ وتغريد الغرد
ونور كبسه نوض برق(ن) رعوده تقتفيه
مركبه فيه المعاني تساق وتنسرد
قصر أمير(ن) يدفن الفقر من مدة يديه
لأستلمه مورد الهيم حضه ما أنقرد
فزعته لا صار فكره وهمه محتديه
وإن مشى الدرب العسر ما تذريه الطرد
يقرب ديار أبيض الخد أبو عرض(ن) نزيه
إن تدين قيمته صاحبه وإلا خرد
كان سعره مرتفع ماخسر لو يشتريه
صممه فنان وأبدع بصنعه وأنفرد
أعجمي(ن) ميزه وأتقنه لا رحم إبيه
ليست هناك تعليقات:
إرسال تعليق