حبيبي اللي على كيفـك تخاصمنـي
احيـان تجلـس بقربـي ماتكلمنـي
وانا يناجيك قلبي من وراء اضلاعـي
واحيان من شوفتك تبخل وتحرمنـي
واهيـم بالكـون لانايـم ولا واعـي
كنت احسبك بالحياه اللـي تقاسمنـي
تفرح معي وان حزنت تخفف اوجاعي
وان غبت الاقيك بالغربـه ملازمنـي
وتصير وياي عايش مجمل اوضاعي
وإن جيتلك بالوله والشـوق تعزمنـي
وبعذب كلام الغرام تلطـف اسماعـي
وإذا حصـل غلطـةٍ منـي تفهمنـي
وإن ماأقتنعت بخطاي تحاول إقناعـي
لاكن اضنك حبيبـي منـت فاهمنـي
أو إن للحب عنـدك عـدة أنواعـي
أما إذا شفت نفسك مانـت هاضمنـي
قلها وأفارقك وفجـوج الله أوساعـي
مافيه داعـي علـى حبـك تندمنـي
وتصير أناني مع احبابـك وطماعـي
حاسب ضميرك حبيبي قبل ترغمنـي
أقسى معك وأختلف وأغير أطباعـي
إن كنت في لعبة الشطرنج تهزمنـي
أنا الذي لجل فوزك ساحب إدفاعـي
يعنـي لاتنغـر يافتـان ورحمـنـي
بطل حراكاتك اللـي مالهـا داعـي
ليست هناك تعليقات:
إرسال تعليق