اقدم لكم اليوم هذه القصيده تخليدا لانساب وامجاد فرسان قبيلة الحفاة
بسـم الإلـه الخالـق الرحمـن
اللـي لـه التبجيـل والاحسـان
اللي فرض خمسن لـزوم إتصـلا
فـي محكـم التنزيـل والقـران
بديـت وابديـت البـدايـه بالله
الــرازق المتعـالـي المـنـان
راسي يشوش ويبتدع من بدعـه
من بدع راس الشايش الطربـان
قصيدتن مني وانا اسمـي ماجـد
بن نايف الهـذال ابـن سمـران
اذكر بها ربعـي عظـام المجنـا
وجابـت الماجـوب للضيـفـان
الاد حافـي عـز منهـم ربـعـه
من روق من طلحه من العتبـان
من روس طلحت روق ربعي عزي
الاد حافـي غـربـل الـعـدوان
اللي لهم بالمجـد مجـدن يذكـر
وتاريخهم تاجن علـى التيجـان
مقسومـه الحافـيـه لقَسـمـان
ف هم ذوي صقرن وهم ذي ربعي
دواهيـن لامجـادهـم تبـيـان
احدن معه سفين واحد له شلفـا
واحد معه بارود فـوق حصـان
منهم ذوي صقرن ثقـال الركـزه
وذوي صقر خمست فروعن تفرع
ذوي كليـب ومـروي ومـروان
والرابـع المعاتـمـه رابعـهـم
والخامسـه منهـم ذوي حمـدان
ربعن دواهيـه سعـوط إمجنـن
موتى قلـوب محنكـة شجعـان
الباس والنوماس ساسـه فيهـم
والهيبه اللـي هيبـة السلطـان
والـروز والراكـوزه ام اللكـزه
والسيـف والبـارود وكحـيـلان
امجادهم تذكـر ولاهـي تنسـى
ذوي صقـر نطاحـة الفـرسـان
اصغر ولد فيهم يكـف الهقـوى
يقلب طحاطيـح العـرب طليـان
ذباحـة الحايـل علـى ماجوبـه
والهيـل والعـود ازرق الدخـان
منهم علا طلحة وشيخـة طلحـه
جعيلان ابـن عيـاد ب إدهمـان
وبندر على الشيخه تومر ساجـر
وعقبه على ناصر ولـد فيحـان
ورشاش راع الدرع راس الحربه
زبـن الدخيـل إمنـزح العـدوان
وهذال ابن نامي عقيـد الغـزوه
فخر الرجـال امرجـح الميـزان
وسمران يشهد بالكرم فعلـن لـه
هـدو البكـار ونوخـة القعـدان
شيخن يبين الطيب ضمن فعولـه
بالمرجلات وشجعـت الشيخـان
وعقبه على الصولات جاب محمد
إمحمـد الفـارس ولـد سمـران
وان جيت لافعال اللقى بالجبهـه
خص الغفيلي فـارس الضينـان
تاريخ للضينـان مـا يهضمهـم
ويثبته بالفعـل سيـف الضـان
ادهى من الفرسان فـي جمحاتـه
يهين روس القـوم مـا ينهـان
ويشهد لذي مروي زبار وصايـل
فرسان تجنـح مجنـح الطوفـان
وضيف الله العياد من ذي مـروي
سـم القلـوب بسيفـه الطعـان
وزايد بن حريميس فعلـه يشهـد
طراح ابـن لبـده مـن إقحطـان
وتشهد لهم بندق علي بن واصل
راع العمـوده داخـل المـيـدان
فريّستـن مـا ينسـى ماضيهـم
من ماضـي التاريـخ ليـن الان
يشهد لهم يـوم القعـد وافعولـه
مع بن رشيـد وجيشـه الفتـان
فعلن لذي صقـرن يتـم مشيـد
فـي محفـل التاريـخ والقيفـان
وتشهد لهم بنت العبيـه ماضـي
يوم انها جتهـم مـن الدوشـان
بالسيف والعزم القوي والمطغـى
افعال ذي صقر اشجع الشجعـان
وان جيت للتقسيم في ذي ربعـي
عشرة فخوذ يشيخهـا التومـان
منهم ذوي عوين مـع ذي وافـي
ومن ربِعي الرقـاص والـودران
والسـادس المهاثلـه سادسهـم
وذوي طميـل وثامـن الجحفـان
والتاسع المقعار مـن ذي ربعـي
والعاشر اليبـس وهـم دهيـان
وذوي طويـق امارتـن معروفـه
جاهيتن يحسـب لهـا الحسبـان
افخاذ شملن تجتمع فـي حافـي
وقت اللقى جمعن سوات اخـوان
لاطـبـل الطـبـال لـلـدنـدان
يشهد نطاق إمع الرشيـد وشمـر
ومن حالفه مـن باقـي العربـان
كـم شمريـة صيحـت بالغبـه
تطنـا حناهـا طنيـة العصيـان
قولن لابن يابس سعود اليابـس
مثبـوت فيمـا تــوزن الاوزان
وتشهد لهم عنز المفيضه سابـق
ويشهد سجا في حضرت المطران
افعال روسـن فرستهـا طلحـه
للأن من ماضـي قديـم ازمـان
تهتز من ساجـر اليـا الصمـان
وقامت تطوش الروس من ماتنها
وثارت تصفـق دونهـا البيبـان
في ضل اخو نوره عزيز الجاهـه
ضل الشعـوب إمعـرب الجـدان
اللي زمـام الحكـم لله ثـم لـه
بالشرع والسيف الحدب شامـان
هذا قصيـدن لـي وذولا ربعـي
من بدع شوشت راسي الطربـان
قصيدتن مني وانا اسمـي ماجـد
بن نايف الهـذال ابـن سمـران
ليست هناك تعليقات:
إرسال تعليق