قصيدة عن الصدق 2013 ، قصيدة ما اجمل الصدق 2013

قصيدة عن الصدق 2013 ، قصيدة ما اجمل الصدق 2013

الصدق شفته فأكثر النآس معـدوم ..
ودعتهـم مـن عقبهـآ بالسـلآمـه ..

وا عيني اللي حآربـت لـذة النـوم ..
يوم أن كلـن طايبـن لـه منامـه ..

ياللي تلوم القلـب لآ تكثـر اللـوم ..
بالله لآ تكثـر علـيـه المــلآمـه ..

من لآ يعز النفس مآهـو بمحشـوم ..
ومن لآ حفظ قدره يقـل إحترامـه ..

هذا زمانن فيـه ظالـم ومظلـوم ..
يالله دخيلك كـان ثـور عسامـه ..

جنبت عن سوقن رخيصن به السوم ..
سوقن حلآله مختلط مـع حرامـه ..

فهقت أنا الماضي وفكرت فاليـوم ..
وبرقت في وقتـي ودورة نظامـه ..

يآ صاحبي سيف المناعير مثلـوم ..
وين الشجيع إللي يجـرد حسامـه ..!!

كتبت يوم الشعر لي فيـه مقسـوم ..
والرجل يعرف موقفه مـن كلآمـه ..

قول العضيله مصدرن فيه مرسـوم ..
من جودة أفكـاره عليهـا عـلآمـه ..